KaReeM_FoX
عدد الرسائل : 56 العمر : 39 المدينه : الجيزة العمل/الترفيه : كاتب صحفي/مهندس حاسب الى تاريخ التسجيل : 24/08/2007
| موضوع: كلنا عم مجاهد؟ الإثنين سبتمبر 03, 2007 1:56 pm | |
| كلنا عم مجاهد يا فتاح بلا مفتاح.... يا ناس يا إللى تحت حد فيكم يقفل المايه عاوز أغسل وشي مش عارف حرام... دي حاجة تجنن تجنن.دا اللى كان بيقوله عم مجاهد كل يوم.. عم مجاهد فعلاً مجاهد.. كل يوم كان يقوم الصبح بدري ودة العادة.. واللى كان بيحصله كل يوم هو.. هو زي العادة بعد ما عم مجاهد ما يجاهد عشان يغسل وشه.. لأن الماية طبعاً على رأي المثل كانوا بيقولوا زمان (هي الماية بتجري فى العالي) فعلاً المثل دا صح الماية لا بتجري فى العالي ولا حتي الواطي.. المهم بعد ما عم مجاهد ربنا يوفقه ويغسل وشه.. يبدأ عم مجاهد بالجولة التانية ةهي مرحلة النزول للشارع.. وعشان يروح الشغل لازم طبعاً ياخد الدرع الواقي والحربة بتاعتة ودا طبعاً عشان يركب الاتوبيس وطبعاً طول ما عم مجاهد ماشي عمال يقول الشعار بتاعه واللى هو (والله العظيم دي حاجة تجنن تجنن) جوا الأتوبيس اختناق عم مجاهد بيتخانق مش عارف يوصل للباب عاوز ينزل الناس واقفه جوا الأتوبيس فى كل الاتجاهات والأشكال والأحجام مربع مثلث وسامبوكسة دا يزق دا.. ودا يتخانق مع دا.. ودا ما صدق قاعد جنب واحدة.. وعم مجاهد يا ناس حرام والله دي حاجة تجنن تجنن.. وبعد ما ينجح عم مجاهد إنه يوصل للباب ينزل ويقول إيه؟؟؟؟.... (صح) دي حاجة تجنن تجنن.. عم مجاهد خلاص مبقاش فية نفس شوية الجهد اللى فيه بيحوشهم كل يوم ياعيني عشان يعرف يطلع سلم الشغل بتاعه عشان (المصعد معطل إلا لجانب المدير فقط) ودي بقا خليها علينا واحنااااااا إللي بنقول دي حاجة تجنن تجنن تجنن.تخيلوا كلنا عم مجاهد.. ولو بقينا كلنا عم مجاهد كل الناس هتمشي تقول دي حاجة تجنن تجنن ودي فعلاً حاجة تجنن. كلنا عم مجاهد | |
|