KaReeM_FoX
![](https://2img.net/r/ihimizer/img413/9471/11133617im9.gif/)
![هل هلالك شهر مبارك؟! Default5](https://2img.net/i/itest/ranks/default/default5.gif)
![KaReeM_FoX](https://2img.net/u/3112/84/51/68/avatars/51-60.jpg)
![ذكر ذكر](https://2img.net/i/fa/subsilver/icon_minigender_male.gif) عدد الرسائل : 56 العمر : 39 المدينه : الجيزة العمل/الترفيه : كاتب صحفي/مهندس حاسب الى تاريخ التسجيل : 24/08/2007
![هل هلالك شهر مبارك؟! Empty](https://2img.net/i/empty.gif) | موضوع: هل هلالك شهر مبارك؟! الخميس أغسطس 30, 2007 11:35 am | |
| ![Surprised](/users/3112/84/51/68/smiles/883914.gif) . هل هلالك.. شهر مبارك ذكريات طفل كبير زمان وأنا صغير كنت أنا وصحابى بنفرح أول ما أهالينا يقولوا لينا رمضان يا ولاد جاى بعد يومين ساعتها كنا ننام نحلم بالفانوس الجميل بتاع زمان اللى كان بينور بشمعة والصفيح بتاعه يقطع صوابعنا الصغيرة. تانى يوم الصبح نلم بعضنا ونقعد فى بيت واحد من صحابنا ونشترى قيمة ثلاثين متر دوبارة علشان نلزق عليها قصاقيص الورق ونشكلها فى بلكونة الجيران. وبعدين نروح على عم مسعد بتاع الخضار ناخد منه قفص الخضار الجريد الفاضى علشان نعمل منه الفانوس الكبير ونشترى له ورق سوليفان جميع الألوان ونصنع من ده كله فانوس كبير نعلقه فى وسط الشارع. وفجأة ييجى رمضان وتيجى ساعة الفطار اللى ما نحسش بيها إلا مع صوت الشيخ محمد رفعت وتو ما نشرب قمر الدين اللى أمنا عاملاه من المشمش ونشفته فى البلكونة نفطر وننزل جرى على الشارع ونولع الفوانيس وهاتك يا غنا وحوى يا وحوى وبعدها رمضان جانا وعلى الساعة عشرة نرجع جرى على البيت علشان ننام بفرحتنا. إنما دلوقتى فيه ستالايت عليه تمثليات وأفلام أشكال وألوان والدنيا زحمة ماحدش بيروح يفطر عند حد وآخرها تليفون أو موبايل نقول فيه كل سنة وأنتم طيبين ده لو قدرنا. حتى الفانوس بقى مستورد وبلاستك وشكله عجيب وفيه لمبة بطارية وبيقول أغانى زمان بصوت وحش والأدهى من كده أغانى شعبولا وحكيم وبابا أوبح وما عدش فيه زينة ولا فوانيس والعيال قاعدة زى التماثيل قدام التليفزيون طبل وزمر ورقص وما فيش حاجة بقى لها طعم.. بذمتكم ده بقى رمضان بتاع زمان والا رمضان بعد النيولوك؟"ملحوظة" ما كانش فيه زمان لوز وجوز وبندق ولا أى حاجة زى دلوقتى والتليفزيون كان بينام الساعة 11.الرد فين؟ | |
|