مش عارف ايه ده اقراء وقولي ايه هو؟!

كده.. أوكيه

أولاً وقبل أى كلام كل عام وأنتم بخير وسلام بمناسبة شهر رمضان الكريم . شهر رمضان اللى بيخلى كل واحد مننا فى حالة روحانية جميلة ويبقى مش عايز يخرج من الحالة دى طول الشهر بس فيه شوية حاجات تجنن تخلينا نخرج من الحالة دى ومن ضمن الحاجات دى الحوار اللى دار بينى وبين واحد صاحبى واللى خلانا انا وهو نقول دى حاجة تجنن0

كنت أنا وصديق لى قاعدين فى أحد النوادى وفجأة بصيت لصاحبى وقلت له :

* ممكن أسألك سؤال ؟

- طبعا ممكن !!!

* هو إحنا مين ؟

- يعنى إيه إحنا مين ؟

* يعنى أنا وأنت والناس اللى قاعدين جنبنا دول هويتنا إيه ؟

- إيه يا ابنى إحنا طبعا مصريين؟

* يعنى إحنا فعلا مصريين ؟

- أيوه طبعا 00انت فيه إيه ؟

* لأ مفيش بس أنا حاسس إن إحنا ملخبطين !!

- يعنى إيه ملخبطين؟

* يعنى أنا مش عارف ليه ما دمنا مصريين ليه مش بندافع عن هويتنا؟

- ازاى ؟!

* يعنى ليه بنستخدم حاجات مش بتاعتنا وأبسطها فى كلامنا؟؟

- إزاى ؟؟

* انت مش ملاحظ إن الشباب بتتكلم مع بعضها إزاى بتتكلم " كلمة عربى وكلمة إنجليزى "

- عندك حق !! احنا نفسنا بنتكلم كده يعنى بدل ما اقول لك " ايوه" لأ ممكن أقول لك " OK "

- وبدل ما أقول لك " كده كويس " لأ ممكن أقولك "GOOD "

وقعدنا نضحك أنا وهو ودخل علينا الشاب اللى شغال فى النادى وقال لنا ؟ تشربوا حاجة يا شباب ؟

- حاجة ساقعة لو سمحت ؟ بس ياريت تكون ساقعة أوى !!

- رد الشاب وقال " OK "!!

بصينا لبعضنا أنا وصحبى وقلنا .. الحق مش عليه؟ الحق على كل من اللى ساعد فى نشر المصطلحات والكلمات الغربية اللى دخلت على لغتنا العربية الجميلة .. الحق على كل أصحاب المحلات والمؤسسات والنوادى اللى غيرو أسماء محلاتهم لأسماء أجنبية !! مع أن كل أصحاب هذه المحلات والمؤسسات والنوادى دى مصريين ؟؟

طيب مدام أنتو مصريين وعيشين فى مصر فمن الطيبعى إن تكون أسامى المحلات بتاعتكوا مصرية ولا إيه ؟؟؟

أنت عمرك شفت واحد أمريكى ولا إنجليزى ولا حتى هندى بيتكلم كلمة خارجة عن لغة بلده ..

قال لى صاحبى لأ

قلت له TO EGYPT