دور ع الحقيقة
وين الحق..؟ وين الحقيقة؟
ياما فى الحبس مظاليم
وعيون بريئة
دى حكاية الباشا وبنته مريم
عينيها تندب فيها رصاصة.. دى جريئة
عجبها واحد غلبان
حاربت الدنيا عليه
كان ماش ع الصراط المستقيم
شربته من العسل كؤوس مليئة
ولما زهقت منه
قالت له.. باردون يا مون شير
خلعته وقالت.. انا لازم اغير الاتوموسفير
أصل.. أنت بيئة
قبل ما يفتح فمه
سبته وشتمته بأمه
ادخلوه.. السجن
ودى أحسن طريقة
شتمنى وضربنى
ياعينى عليك يا زمن.. لما تيجى على الغلابة
سرق مجوهراتى
خلانى عصبية.. وغير أحساساتى
غنى وانشد يا غلبان على الربابة
يا عينى عليك يا زمن.. لما تيجى على الغلابة
وين الحق..؟ وين الحقيقة..؟
دور على الحقيقة
ياما فى الحبس مظاليم
غلابة وجعانين ومحاريم
ياما فى الحبس مظاليم